2021-11-28 20:45:00

畢業袍｜畢業一年搵唔到工 23歲仔無錢買袍穿「垃圾袋裝」赴畢業禮

Radford(右)話佢窮到燶先至會穿垃圾袋上台，強調沒有不尊重校方之意。(互聯網)

「畢業變失業」是不少大學生最擔心的事，揹下一身學貸，又找不到工作，的確令人彷徨。英國一名大學生正正陷於這狀況，窮到燶的他為省回買畢業袍的費用，忽發奇想用垃圾袋包住全身參加典禮，成為全場焦點。

23歲的Will Radford於格羅斯特郡大學 (University of Gloucestershire)修畢文學士(攝影)學位，日前在畢業禮「穿著」一身垃圾袋上台，難得師生都受落，給他熱烈掌聲。

究竟有乜嘢動力驅使他穿垃圾袋裝上台？係對課程不滿定係不尊重校方？Radford稱兩者皆非，而是「係窮呀」。「我離開大學的過去一年來，絕大部分時間都失業」，「我剛搬了家，身家只剩最後100英鎊」，指如要買四方帽、披肩及長袍，共需246英鎊(約2,460港元)，「我真的負擔不起，絕無誇大」，反觀「垃圾袋裝」成本少於2鎊(約20港元)。