![網上熱話|女子網上批壽司郎西裝客「食魚唔食飯」無品,惹網民熱議。(threads)](https://cdn.am730.com.hk/s3fs-public/styles/article_image/public/2024-07/photo1%20%2814%29.jpg?itok=t1D02sI2)
網上熱話|女子網上批壽司郎西裝客「食魚唔食飯」無品,惹網民熱議。(threads)
日式連鎖壽司店「壽司郎」深受港人喜愛,更在多區開設分店。最新在觀塘區的新店,就惹起網上熱議,一名女食客在該店進食時,發現坐於對面桌的男西裝客,疑「食魚唔食飯」,故將其拍照並放到網上「公審」,帖文亦引起網民熱議。
巴黎奧運|香港運動員名單及焦點賽事一覽 本地4電視台免費直播
巴黎奧運|開幕禮時間、香港運動員名單及直播、閉幕禮懶人包
在網上平台Threads,一名女子發文及貼出圖片,指自己趁壽司店開幕前往試食價值12元一件的「大拖羅」壽司,不料看到鄰近一桌食客的行為,而令她感到不滿。
該名女子寫道,「有啲人真係好賤格,淨係食嚿肉(魚),啲飯就咁樣嘥晒。講真壽司郎已經有出細飯,就係唔想啲人浪費,但真係有人咁無品。」其後女子更出「惡言」指,「我祝你下世做飯,如果有black list(黑名單)就好了」。
部份網民意見節錄:
網民意見不一
事件引起網民熱議,支持與反對聲音眾多,當中有人不滿該女子「公審」西裝男,「佢有比錢個喎,咁都有得管?」、「佢唔食啲飯就要影佢上嚟公審?不如試吓求其搵間餐廳行一轉影晒嗰啲食淨飯食淨餸嘅人出嚟公審?」、「呢個係佢選擇,又唔係放題,做咩姐你」、「逐碟計又唔係任食,餐廳冇問題,個客食得開心,又影響唔到人,有乜問題呢?」、「真係慘,點食都要俾妳批評」。
至於支持的網民則認為該西裝男浪費食物,認為該女子作出良好示範,「香港地個人冇番咁上下×街都襯唔起套西裝」、「雖然佢有比錢去食。但唔係咁樣嘥哂啲野…勁冇衣食」、「好×冇衣食」、「即係咁講,浪費可恥」。