搭巴士雖然只是一個通勤過程，但不少人都會想過巴士的座椅更勝家中睡床。網上流傳一張相片，可見有一名乘客躺在一輛城巴的上層左邊第三排位，雙腳就撐着樓梯口的兩個扶手，即使前方有另一名乘客亦未見收斂，旁若無人。
網民笑言「快啲幫佢搵大夫」
有網民戲言圖中乘客「似乎就生，快啲幫佢搵大夫」、「有冇助產士在場」、「係咪要搵人同佢接生」、「幫佢接生左(咗)先」，亦有人認為同車乘客「下層行上去嗰個會震憾(撼)啲」。
不過，亦有留言認真批評行為，「其實咁想瞓，去上層最後面個排櫈瞓囉，係正個上落樓梯位會唔會過份左(咗)」、「自私無品」、「人渣所為。」
amJetso送太興鮮臘腸 👇立即按此參加
