（金飯館貳‧零 肉餅‧焗飯專門店圖片）
近期不少餐廳抵不住加租壓力及人流稀少相繼結業，網上更出現「全港店舖執笠結業消息關注組」；亦有茶餐廳在逆市下「自救」。旺角有餐廳宣布於平日下午茶時段推出「沙嗲牛肉麵任食60分鐘」，每位48元。
去年7月開業、位於廣華街的「金飯館貳‧零 肉餅‧焗飯專門店」推出下午茶沙嗲牛肉麵任食，店方稱優惠可「實現沙嗲牛肉麵自由」，每碗麵都有濃郁沙嗲牛肉及湯底、公仔麵和煎燶邊日本蘭王蛋。任食只限平日星期一至五，下午2時30分至5時30分，公眾假期除外，每位入座時間限60分鐘，優惠只限堂食及一人享用，如被發現分享，將按每人追加人頭收費，若浪費食物，將按每10克收取10元。任食最多碗沙嗲牛肉麵的「大胃王」更可獲1,128元現金獎。
有網民稱食兩碗已經可以回本，「食兩碗都飽哂啦」、「地盤佬最多咪食到三碗，真係大胃王先食到7碗以上」，但亦有人指「公仔麵咁漲胃，食得幾多？又無飲品」，另有人批評味道好咸，「咸到洗腎」 。
amJetso送太興鮮臘腸 👇立即按此參加
