本港各社交平台昨被「安心偷食」洗板！蘋果日報昨日爆出一段疑的士車廂乘客行為親暱，接吻相擁的片段，清晰顯示疑似歌手許志安與藝人黃心穎上車後，兩人在車上有親熱行為。片段公開後，許志安昨晚現身聲淚俱下道歉，指自己是「壞咗嘅人」，會即時暫停所有工作。不過，事件女主角黃心穎，以及黃的男友馬國明、許的妻子鄭秀文均未有回應事件。事態引發社會關注，要求運輸署限制的士車廂安裝攝像設備，而私人專員公署則稱，的士屬「半私人空間」，若有人認為被侵犯私隱，或受到情感傷害，可透過《私隱條例》向資料使用者索償。
攝影：黃文山、莊振邦(部分相片)
心穎在4月3日於IG上載的照片，從衣著估計就是「安心偷食」發生的當晚。
指行為醜惡面對不到自己
安仔與心穎偷食曝光，女方暫時未有回應，並已關掉IG留言。至於安仔則在昨晚7時，在經理人黃柏高陪同下現身銅鑼灣富豪酒店召開記者招待會。一臉憔悴的安仔，先向在場人士90度鞠躬，然後宣讀聲明，其間更一度爆喊。他指當晚飲了很多酒，又指醉酒不是藉口，並宣布即日暫停工作，安仔說：「我要為我嘅家人、Sammi家人、朋友，同錫我嘅人致萬二分歉意，因為自己做咗一件不可彌補、不被原諒嘅事，而呢個錯我深深反思自己。我係一個醜惡嘅人，所以今日我嚟呢度係想承擔負責！我非常後悔，我好難面對、接受自己。睇完報道，我覺得自己好丟臉、好錯……我深刻反思點解唔可以控制自己，犯呢個錯誤，起咗呢個色心。」
說到自己是醜惡的人時，安仔再忍不住淚涕齊流。
決定停工搵番自己
他續說︰「我覺得在承擔責任上，要分兩部分，第一，現在開始我會暫停所有工作，重新檢視自己做人，第二是心靈上，我覺得自己不知所謂，因為我嘅錯誤、行為，令身邊所有人承受壓力和痛苦，報道令我深刻反思，最錯係我迷失咗自己。最後，我要再一次向所有我愛嘅人，同你哋講，我令大家難堪，對唔住！對唔住Sammi！我唔知以後點樣走自己嘅路，呢一刻我係冇靈魂，我係一個壞咗嘅人，希望大家可以俾時間我搵番自己，最後再一次同大家講對唔住！」
許志安與鄭秀文由相戀至今，離離合合數次，上月是他們結婚5周年，大家以為他們會如童話故事主角，幸福快樂活下去。可惜，昨日爆出黃心穎背住男友馬國明，跟人夫許志安在車廂纏綿，女方更主動又咀又摸，令全城譁然！
有消息指，黃心穎透過安仔身邊工作人員認識，心穎每次見到安仔，都似足小fans，份外熱情，連安仔到澳門開騷，心穎都專誠前往支持，更有指二人已經暗交兩年。去年10月，二人在《星光熠熠耀保良》手拖手合唱，心穎在IG上載二人合照並留言︰「好記得某年暑假、車上不停loop住『一步一生』呢首歌、當時嘅我點都唔會估到十幾年後會有機會同安仔在台上合唱。世事真係好微妙。仲係人生第一次踏上紅館的舞台！Thank you安仔好好咁不停同我地rehearse。」之後，心穎不時在自己的IG，上載與安仔及友人聚會的合照，而且她亦不時到安仔的IG留言，非常「進取」！
(相關新聞見A42)
在記者會上，安仔一面愧疚90度鞠躬致歉。
去年11月11日，Sammi在其IG上載與心穎一起健身的短片。
網上瘋傳一張當年馬國明與安仔的照片，據知是兩人合拍MV時的合照。
【限時激減】800 amFUN 2盒！1200 amFUN 4盒！
