2024-08-09 15:44:50

鄧炳強出席懲教署立德學院畢業禮　流下男兒淚｜Ray Online

懲教署鼓勵在囚人士更生，喺上年設立立德學院，為在囚人士提供應用教育文憑課程。噚日係立德學院嘅第一屆畢業典禮，保安局局長鄧炳強聽到學員分享嗰陣，忍唔住流下男兒淚喎。

鄧炳強雙眼通紅

鄧炳強喺社交網站發文，見到佢雙眼通紅、眼濕濕咁。佢讚揚立德學院嘅學員經過1年嚟認真努力學習，75個同學全體畢業。學員嘅至親好友都嚟到現場，見證學員著上畢業袍攞畢業證書，大家相擁支持，場面好感人。加上聽到學員分享在囚嗰陣嘅反思、對迷途嘅懊悔、對家人嘅感謝，鄧炳強話忍唔住流下男兒淚。鄧炳強話衷心希望每一位學員珍惜人生嘅第2次機會，帶住呢張畢業證書，順利重投社會，走向光明前路。佢希望社會各界一樣畀機會更生人士。