(@fb鄧炳強 Tang Ping Keung圖片)
香港樂壇喺八九十年代出產唔少知名歌手，推出多首令粉絲們至今都津津樂道嘅粵語金曲，估唔到保安局局長鄧炳強都係香港歌迷！鄧炳強喺社交平台分享，話自己出席咗一個推廣粵語流行曲文化嘅活動，更透露自己「由細到大都好鍾意聽歌，特別係八九十年代嘅粵語金曲」，仲話歌手實力非凡、歌詞饒有意義，無形中亦影響佢人生嘅價值觀。
「歌唔怕舊最緊要好聽」
究竟係咩歌可以影響局長嘅價值觀呢？鄧炳強就話，自己記得林子祥嘅《誰能明白我》正向勵志、威利嘅《胸懷大志》熱血正義、Beyond嘅《真的愛妳》孝道滿心、盧冠廷嘅《陪著你走》深情不變、阿姐嘅《勇敢的中國人》慷慨激昂。佢仲話歌唔怕舊最緊要好聽，而呢啲歌今日仲喺佢嘅歌單上，「呢啲金曲全部陪住我成長，相信亦係好多人嘅必然歌單，更加係我哋香港人代代相傳嘅瑰寶。」
立即更新/下載AM730手機APP 體驗升級功能
