鄧炳強：趁病靜心回顧過往1年工作 指睡眠不足但「能量爆燈」迎接新挑戰｜Ray Online
保安局局長鄧炳強呢排身體抱恙，見記者嗰陣都聽得出佢把聲沙晒。佢喺社交網站就話呢兩日有啲小病，趁機靜心回顧過往1年嘅工作，同大家分享「2023工作回顧」影片。
鄧炳強祝大家身體健康
工作回顧中提到，由疫後復常通關、走訪粵港澳大灣區商討應急救援合作、推動青年發展、加強防罪滅罪同打擊毒品，以至最近嘅沙頭角二期開放計劃，滿滿嘅工作清單都劃上剔號，過去1年工作滿滿。雖然冇得停，但鄧炳強話為市民做實事，好有滿足感！展望2024年，鄧炳強相信應該只有更多工作，係有啲唔夠瞓，但能量爆燈迎接新挑戰喎。佢話希望大家身體健康，強調同保安局團隊會無懼挑戰，完成使命。
