陳克勤獲利物浦簽名波衫。(陳克勤FB)
皇家馬德里對巴塞隆拿傳奇球星賽事上周五於大球場上演，引發連串風波，有皇馬球迷投訴貨不對辦，未能同球星簽名合照，最後要報警兼報消委會收場，另外早前有報道指現時於英超榜首領先的利物浦極可能明年暑假來港，喺啟德體育園踢表演賽，倘若成事，希望主辦方唔好再繼美斯事件同皇巴名宿賽後，第三次「用轆」喇！
講起利物浦，原來民建聯主席陳克勤係紅軍資深球迷，2017年紅軍訪港踢英超亞洲盃期間亦有入場支持，佢今日（24日）出帖話收到一份聖誕禮物，其中一位朋友在英國寄來一件2022年足總盃決賽、利物浦正選11人嘅親筆簽名波衫，更包括今夏離隊的教頭高普簽名。
陳克勤話鍾意利物浦係因為球隊會奮戰到最後一刻，2005年歐聯決賽驚天逆轉AC米蘭、同2019年歐聯四強首回合三球落後下，次回合反勝美斯領銜嘅巴塞隆拿4:0正是例子，呢份永不放棄嘅精神，提醒佢面對困難和挑戰時，未到最後都不放棄，又話每次聽到隊歌《You'll never walk alone(你永遠不會獨行)》，都感受到團結的力量。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
