蝙蝠俠係美國DC漫畫史上第1個無超能力嘅英雄，日頭係富二代，夜晚就去警惡懲奸，大家應該都認為呢位超級英雄，只能電影見，但最近有人就喺韓國濟州島見到蝙蝠俠！
最近韓國網站有篇超熱門文章：「濟州島經常有蝙蝠俠出沒」，照片中呢位「蝙蝠俠」叫金南俊，係一名代駕司機，佢同真正嘅蝙蝠俠相反，佢夜晚幫人開車賺錢，日頭就扮成蝙蝠俠做義工。
佢用自己血汗錢買生活用品，去探望獨居老人，又會直接走訪相關愛心機構，伸出援手，佢仲經常帶禮物去探孤兒院小朋友，為佢哋送暖。
不過呢位代理司機，點解會用咁嘅方式做義工？原來佢聽講過「29號路蝙蝠俠」Leonard Robinson嘅故事，深受感動。
呢位美國商人Leonard Robinson，經常扮成蝙蝠俠去孤兒院探小朋友，每年仲向病童捐3千萬韓元(約20萬港元)，所以有「29號公路蝙蝠俠」美名。
佢俾呢個故事打動，以此為榜樣，開始行俠仗義，樂善好施，慢慢佢都變成人哋口中嘅「濟州島蝙蝠俠」。
有無超能力都好，能為呢個這個世界出一分力，都可以好似上述嘅民間蝙蝠俠咁，不問回報，只留下帥氣背影！
美國商人Leonard Robinson，經常扮成蝙蝠俠做善事，有「29號公路蝙蝠俠」美名
【限時激減】800 amFUN 2盒！1200 amFUN 4盒！
