示意圖，非當事人。(by Pixabay)
各位讀者有否聽過一些故事，有些人被「親情綁架」，即使在那個家活得痛苦卻逃不走？根據家計會資料，早於1989年就有「毒親 (Toxic parents)」，泛指父母「以愛之名」控制子女，以滿足自我。最近有網民分享，其岳母就是一位「毒親」，妻子不論如何努力，都會被岳母數落得「一文不值」，甚至會多番質問他「其實我個女有乜嘢值得你鐘意」，他指其答案令岳母的刺埋得更深，不過處理手法卻換來其餘網民一面倒欣賞。
網民以「丈夫」匿名投稿，指妻子求學時期，岳父任中港司機「叫搵到錢」，岳母則只是一名只懂打麻雀、買名牌「唔會顧屋企嘅師奶」。每當妻子表現較好，例如考琴、英文全級第一，岳母都會用盡方法打擊妻子的自尊，例如罵妻子「肥到豬咁」、「唔會有人要你」、「你咁樣搵到老公都唔會好得去邊」等等。
「三無」岳母只有錢
「丈夫」指其岳母就是一名「毒親」，她所期許的就是令自己成為最幸福的人「沒有之一」，而她本人於各方面都不出眾，「冇姿色、冇學歷、老公唔喺身邊『窮得只有錢』」，所以每當妻子表現稍為出眾就會被打擊自尊，「因為冇人可以叻過我外母 (岳母)」。
丈夫以愛「報復」岳母
而妻子之前分手，原因之一就是其前男友不停被岳母嘲諷「無本事」、「無用」。「丈夫」表示，與妻子一起後，岳母沒有找到可以攻擊他的地方，而自己對妻子的好，「亦都成為佢心中嘅刺」，換來多番質問「其實我真係唔知你鐘意我個女乜嘢」、「其實我個女有乜嘢值得你鐘意」。「丈夫」稱，每次都故意「用最肉麻嘅說話去答」，故意將岳母心中的刺插得更深，因為他認為岳母的言行傷害其妻子，「傷害我嘅女人，係有代價」。
呼籲男士保護妻子
隨著與「丈夫」的家人相處多了，妻子才知悉正常人是不會如此數落家人，並在「丈夫」的家感受到親情。「丈夫」表示，妻子至今仍沒有自信，認為自己不配幸福，事業不配如今高位，仍會因岳母惡言而哭。他指分享只想提醒男士，娶妻就有責任保護她免受任何傷害。大部分留言均稱讚「丈夫」，亦替其妻子可以重投另一個家庭的温暖而高興，亦有留言指其妻子除了得到「丈夫」的愛，生命多了的「仲有家人ge(嘅)愛」。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
