Marvel超英片風靡全球,尤其係有型又識飛嘅Iron Man鐵甲奇俠。Iron Man裝甲就見得多,仲可以買到嚟著,如果配埋飛行器,咁就完美嘞!
想扮Iron Man嘅超英迷依家有好消息,就係飛行器已經有得賣。英國發明家Richard Browning成功製成裝喺手臂嘅飛行器。
飛行器重27公斤,4個煤油推動嘅燃氣渦輪引擎平均裝喺手臂,其餘1個裝喺背部,用身體控制方向,飛行速度可達每小時290公里。
Selfridges百貨店有售,每套34萬磅(約HK$350萬),據聞已有10名買家訂購。飛行器亦吸引到荷里活影星,型佬湯告魯斯(Tom Cruise)已秘密接受飛行器訓練,相信佢就係買家之一。

裝上飛行器,正面都幾型。

飛行器部份配件由3D印製,其實背後仲型。

飛行器每分鐘耗油量約4公升。