有網民貼出一束污垢頭髮的相，未知是否文中的「證物」。(Facebook「Mei Foo 美孚」群組)
亂拋垃圾乞人憎，高空擲物更令人「髮」指！
有網民早前在Facebook「Mei Foo 美孚」 群組發帖，貼出美孚新邨管業處發出的一則通告，顯示該邨其中一座的下層住戶投訴有上層住戶將頭髮拋出窗外，通告警告呢種行為唔單止缺德，高空擲物更屬違法；樓主仲加上好啜核的hashtag： 「抛頭髮灑熱血」、「拋頭髮抛到俾人投訴是對脫髮人士的侮辱」。
樓主發帖後，不少網民忍俊不禁，「好難想像要拋幾多頭髮先會被人投訴，樓上是髮廊？」、「人地只不過落髮出家啫」、「中年脫髮危機」、「執咗佢攞去落佢降頭」、「驗dna未知係邊個囉」。
好笑還好笑，但拋垃圾出街始終係非常缺德，有網民稱，「美孚呢幾年多左好多無公德心嘅住戶」、「根本乜Q都唔應該掉出街」。
另有美孚邨民貼出一張顯示一束污垢頭髮的相，有網民即留言，「d人變態」，並批評丟垃圾出窗外的人自私，「d人就係咁自私，自己冇眼屎乾淨盲丢出街，人哋屋企就要接收呢d穢物」。無論如何，垃圾應放在垃圾筒，不要做垃圾蟲。
美孚新邨管業處發出通告，指有住戶投訴樓上將頭髮拋出窗外。(Facebook「Mei Foo 美孚」群組)
入App免費換走健康產品
