九巴將會喺13個星期日同公眾假期舉辦小童免費乘車日。(資料圖片／蘇文傑攝)
九巴唔經唔覺服務咗香港90個年頭，為咗慶祝成立90周年，佢哋決定喺未來一連13個星期日同公眾假期，舉辦小童免費乘車日賀一賀！除咗由港鐵委託九巴營運嘅東鐵綫接駁巴士K12、K14、K17同K18之外，3至11歲嘅小朋友喺嗰13日可以用八達通，免費任搭九巴同龍運巴士超過450條路線。
首日免費乘車日撞正父親節
小童免費乘車日嘅日子包括6月18、22、25號、7月1、2、9、16、23、30號同埋8月6、13、20、27號。九巴話，3至11歲嘅小朋友當日上車只要用小童八達通拍卡就得，八達通機扣除嘅車費會較做0蚊。第一個免費乘車日正正就係父親節，九巴就話最適合小朋友同父母出街享受家庭樂。
另外，九巴月票9月18號將會由780蚊加價到800蚊，九巴提提學生喺今個月30號之前登記同買九巴月票，就可以享用「買二送一」嘅優惠喇。
九巴推介部分初夏活動好去處
【限時激減】800 amFUN 2盒！1200 amFUN 4盒！
