Ray Online｜宋之齡黃守東由區選對手變成合作夥伴　將開網上節目《問東問宋》

自由黨宋之齡同新民黨黃守東，係上年灣仔區區議會選舉嘅競爭對手，兩人都不幸落敗。佢哋變成合作夥伴，今年底會開網上節目介紹灣仔區嘅大小事，暫時命名《問東問宋》。

其實兩個人原本都有電視台背景，宋芝齡係無綫節目《流行都市》嘅主持；黃守東就係亞視前公關高層，有花名叫做「亞視暖男」。佢哋決定一齊開拍網上節目，圍繞灣仔區大小事，發掘區內優質商戶、走訪小人物大故事，分享區內熱話同盛事、訪問政界同演藝界分享區內故事、跟進區內議題同投訴等等。

冀透過新方式跟進社區問題

黃守東向傳媒解釋，希望善用電視行業出身的背景，透過新方式反映同跟進社區問題，令灣仔變得更好。佢形容同宋之齡係投契嘅好朋友，而且有合作基礎，一直為區內活動拍檔做司儀。