張美雄(中)向規劃署提交日出康城居民意見。(張美雄FB)
將軍澳日出康城屋苑內一幅學校用地，教育局已確認會歸還政府，日前有消息話香港科技大學將會進駐，興建一座創新科技園。西貢區議員張美雄話，佢都知道有件咁嘅事，但個計劃仲未下定論，而據佢了解計劃仲要經過創新科技及工業局支持同多個部門審批，所以仲未完全確認會畀科大用。
64%受訪者盼建超市或街市
張美雄喺社交網站話，佢上個禮拜做咗一項問卷調查，收到1,372個回覆，當中六成四希望塊地會用嚟起超市或街市、兩成一想用嚟做商舖用途，其餘就係停車或康文體育設施。佢直言，事實上日出康城區內只有一間超市，停車同康體設施都不足，認為科大進駐雖然好，但康城更需要嘅係民生配套。
今日張美雄已經向規劃署嘅西貢及離島規劃專員鄺弘毅反映居民意見，又話即使科大計劃最後獲政府通過，至少起碼可以反映到居民意見，以便爭取創科園入面配套設施可以同居民共享嘅調整空間。
日出康城獲科大創科園進駐料成事 方國珊：可提升社區價值或成「牛津城」
日出康城一帶僅一超市服務10萬人 區議員促區內建公營街市
立即更新/下載AM730手機APP 體驗升級功能
