(AllRightsReserved提供)
【12:30更新】曾經在2013年訪港的黃色巨型橡皮鴨，闊別10年後再度來港。同10年前唔同，Ray今次見到「黃鴨」結伴而嚟，未知係朋友仔還是另一半，而今朝仲有唔少市民影到佢哋，成雙成對喺青衣海面游水，吸引不少市民「打卡」放上網，真係見到都覺得開心。
網民讚大個仔 追問「係咪女朋友？」
Ray仲記得，俗稱「黃鴨」的巨型橡皮鴨，係由荷蘭藝術家霍夫曼(Florentijn Hofman)創作，身高18米，係全球最高的橡皮鴨之一。喺2007年開始就「游」遍世界各地，到2013年就「游」到嚟本港，當時掀起一股熱潮，吸引大批市民及旅客「朝聖」，一睹「黃鴨」真身，據悉合共吸引800萬人次前往「打卡」。有網民就話：「哇，總會有機會見到你(黃鴨)返嚟，我好開心吖」，亦有網民讚黃鴨「大個仔嘞，一雙一對」、「係咪女朋友？」、「可能係男朋友」；更有網民笑言：「快啲開枝散葉就好嘞」、「咁可能下次係3隻啦」。
有老友同Ray講，今次巨型橡皮鴨再次現身香港，係同一個大型海上公共藝術展覽有關，主辦單位將喺6月1日公布詳情，鍾意「黃鴨」嘅你記得萬勿錯過！
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
