返回 本地 2023-06-29 11:36:25 Ray Online｜廉署推反貪短片 向建築工人宣傳「非法回佣唔好忍」 分享： Ray Online｜廉署推反貪短片 向建築工人宣傳「非法回佣唔好忍」 香港人出名忍得，肚餓可以忍，做錯嘢俾人鬧都可以忍，但係遇到有人向你索取「非法回佣」就千祈唔好忍！廉署最近同Ray講，推出咗一系列宣傳及教育工作，包括全新網上短片「非法回佣唔好忍 舉報貪污唔好等」，重點向建築工人宣傳「切勿提供非法回佣」嘅反貪訊息。建築工人日曬雨淋咁辛苦都係為兩餐，如果要提供賄賂先換取到獲聘機會，一定要Say NO！仲要即刻去廉政公署舉報，廉署24小時舉報熱線係25 266 366。
