許正宇(左一)今日帶新開發銀行行長，去地道茶餐廳試下港式美食。(財經事務及庫務局FB)
香港呢兩日舉行緊亞洲金融論壇，匯聚海內外超過3,000名唔同金融和商界代表。財政事務及庫務局局長許正宇今日(25號)就邀請咗出席論壇嘅新開發銀行行長Dilma Rousseff，去灣仔一間地道茶餐廳試下港式美食，形容遠道而嚟又點可以錯過香港嘅美食呢。
新開發銀行行長最愛即食麵
連埋財庫局政治助理葉俊廉，一行4人去到餐廳就叫咗沙嗲牛肉即食麵、餐蛋治、雲吞、牛腩麵同蛋撻食，佢哋仲一齊舉起杯奶茶碰杯𠻹！財庫局仲話，即食麵係行長嘅至愛。佢哋食完之後仲去咗附近，同新年裝飾影相留念，仲話行長對中國文化和文字甚感興趣喎！
財庫局就話，為咗推動盛事經濟同說好香港故事，亞洲金融論壇推出咗一系列專屬活動，包括導賞團同購物、餐飲優惠等，等海外人士一齊感受香港嘅繽紛色彩。
立即更新/下載AM730手機APP 體驗升級功能
