李梓敬再批評林鄭月娥的前特首辦租用甲級寫字樓，指「不予置評」回應離譜。(資料圖片／陳奕釗攝)
前特首林鄭月娥座落金鐘太古廣場嘅辦公室，過去2年開支2,267萬元。新民黨立法會議員李梓敬今日再喺立法會批評事件，對於林鄭辦公室回覆傳媒查詢話「林太不予置評」，同埋話前特首辦安排係得到財務委員會批准，李梓敬炮轟回覆係反映錯誤思維。
李梓敬：跨國企業都唔租太古廣場寫字樓
今日立法會繼續審議財政預算案，李梓敬話林鄭前特首辦嘅經常開支按年上升30%，達到917萬元，令人震驚。佢又引述有報道話，部分跨國企業都唔租太古廣場寫字樓，反問點解政府面臨赤字、基層市民生活困難，前特首辦仲租用超豪嘅辦公室，而唔用政府物業。對於林鄭辦公室回應話，租用太古廣場係得到財委會批准。李梓敬反駁，立法會通過預算案係認同預算案整體安排，唔係完全支持所有安排，立法會議員同時有持續監察撥款嘅角色，要評估公帑係咪用得其所。
amJetso送太興鮮臘腸 👇立即按此參加
