Ray Online｜李麗珊400萬元養B論終誕兩女，黃德森指育兒令人成長。(《am730》記者攝)
本港生育率低，「風之后」李麗珊2006年曾喺一個廣告講養大一個BB要400萬元，成為一代人嘅集體回憶，唔知有冇嚇到年輕人唔敢生仔。而家香港要提升生充率，新任體育專員黃德森出席傳媒茶聚時，就畀記者「追數」，黃德森就話自己已經同太太李麗珊生咗兩個女喇，又幫太太解畫，「當時係引述專家講嘅」，又話生仔係咪要400萬，都係豐儉由人，「唔係我個袋都有400萬，先一定生仔」。
對於生育率低，黃德森就分享自己做爸爸嘅經驗，話喺女兒身上學習到好多，「我做運動員嗰陣都冇諗生育，成長後就好慶幸有兩個女，雖然會有困難，畀女激，但會諗起當年父母都係被激，更加appreciate（感謝），更感恩」，而話喺個女5歲嗰陣，試過嬲得滯打個女，事後覺得自己有錯，就寫咗張紙條畀個女道歉，同佢講「希望佢明白爸夿都係新手爸爸，都會犯錯，爸爸打你係唔啱」，經此一事，黃德森自覺好似成長咗，又覺得喺女兒身上，好似每日都學到新嘢咁。
