Ray Online｜民建聯取消明日記者會 消息指「夏寶龍嚟香港驚冇記者嚟」
民建聯原本聽日舉行記者會，公布今年舉辦嘅「明道」大學生公共治理研習課程。點知政府公布港澳辦主任夏寶龍聽日起嚟香港考察調研7日，民建聯出咗採訪通知短短兩個半鐘，就公布會延期舉行記者會。民建聯中人話撞正夏寶龍嚟香港，驚冇記者出席佢哋嘅記者會，唯有取消啦。
民建聯決定延期舉行記者會
根據原本嘅採訪通知，話國家正面對百年未有嘅大變局，香港係國家嘅一分子，同國家血脈相連，休戚與共。國際局勢風雲變幻之際，民建聯秉承2021年舉辦「政道」課程嘅精神，喺今年舉辦「明道」大學生公共治理研習課程，等香港大學生更好縱觀大勢、了解時局、裝備自己、應對未來。 青年民建聯原本會喺聽日嘅記者會，發布課程內容。不過事隔兩個半鐘，已經發出活動延期通知，簡短提到會另行通知時間，不便之處，敬請見諒。
立即更新/下載AM730手機APP 體驗升級功能
