江玉歡問政府盲人申請電子駕駛執照安排（立法會直播截圖）
立法會議員發言周不時都有「蝦碌」場面，議員江玉歡最近就電子駕駛執照向政府提問，佢好關心對殘疾人士嘅援助，特別問到政府會點樣方便盲人申請執照。之不過失明人士冇辦法揸車㗎喎，周邊嘅議員聽到呢個提問都忍唔住笑。
引起議員哄堂大笑
立法會《2025年道路交通(修訂)條例草案》委員會近日開會，目的係修訂條例，推行電子駕駛執照。江玉歡發言嗰陣提到，了殘解疾人士平時都有特別方式申請其他執照，關心今次推行電子駕駛執照，「對於殘疾人士，特別係盲人嚟計，有冇諗過便利？」會議直播畫面影到坐佢前面嘅議員邱達根呆一呆，跟住擰轉頭、笑住同江玉歡講嘢，相信係提佢發言出錯。鏡頭一轉，影到法案委員會主席易志明同樣呆一呆，跟住即刻笑。江玉歡更正話「係喎，死啦。盲人⋯⋯舉錯咗，唔係盲人，普通其他殘疾人士」，在場其他議員都忍唔住笑。
限時早鳥優惠 火速訂位 | am730母親節溫馨晚宴 $5000福袋等你拎!
