何永賢(中)同羅淑佩(右)參與海達邨社區園圃收成日。(何永賢FB)
鄰里關係喺呢個年代比較疏離，政府最近都有善用公共屋邨嘅公共空間，凝聚居民參與唔同活動，建立大家對社區嘅歸屬感。2020年開始入伙嘅長沙灣海達邨，就設有一個開放畀居民參與嘅社區園圃，政府會為成功申請報名嘅居民舉辦講座、提供種子，等新手都可以喺悉心栽培下有豐盛收穫。
何永賢讚生菜非常青翠鮮嫩
房屋局局長何永賢喺社交網站提到，今日同常任秘書長兼房屋署署長羅淑佩，去到達達邨參與社區園圃收成日活動，又話現場見到居民種咗一個幾月嘅生菜都非常青翠鮮嫩，亦都見有人揀咗種蕃薯葉、蕃茄、秋葵、櫻桃蘿蔔等，可以感受到大家都好享受呢個栽種過程。
何永賢仲提到，街坊都好熱情咁送咗啲生菜畀佢同羅淑佩，大爆羅淑佩拎到返寫字樓之後已經即刻用嚟整沙律，「加少少芝麻醬已非常新鮮美味。」羅淑佩之後亦喺社交網站多謝海達邨街坊嘅生菜，話芝蔴汁沙律作為午餐真係好正，形容「自己親手新鮮收割的菜就是清爽美味」喎。
amJetso送太興鮮臘腸 👇立即按此參加
