科大將拍賣Nvidia黃仁勳皮褸，形容已成科大校友(科大圖片)
Nvidia(英偉達)創辦人黃仁勳日常鍾意著皮褸，更加有人稱呼佢做「皮褸黃」。香港科技大學上年向黃仁勳頒授工程學榮譽博士學位，黃當時「悉心打扮」，著住印有科大英文縮寫「HKUST」嘅皮褸登場。科大將會拍賣黃仁勳捐畀科大嘅皮褸，收益會捐畀科大基金。
形容黃仁勳已成為科大校友
科大最近喺北京舉辦校友聚會，科大校董會主席沈向洋致辭嗰陣話大學最寶貴嘅「產品」就係學生，學生質量就代表學校質量，揚言科大學生同學校嘅質量都非常好。至於上年黃仁勳嚟科大接受榮譽博士學位成為城中焦點，當時同沈向洋對談，兩個都著住印有「HKUST」嘅皮褸。沈向洋透露會喺5月拍賣黃仁勳捐畀科大嘅皮褸，仲會「加碼」捐埋自己件皮褸，佢又形容黃仁勳已經成為科大校友。
立即更新/下載AM730手機APP 體驗升級功能
