Ray Online｜立法會舉辦惜食體驗日 議員齊齊食「剩餸」飯盒(蘇文傑攝)
立法會今日聯同惜食堂舉辦惜食體驗日，鼓勵議員捐款，一班議員喺「Lunch hour」就齊齊食飯盒支持活動啦。
參與活動嘅議員喺立法會宴會廳，一齊品嚐惜食堂以剩餘食物煮成嘅熱飯盒。雖然話係「剩餸」，但望落營養均衡，有肉有菜㗎，仲可以揀齋飯盒。
回收可以食用的剩餘食物
今次活動係為咗推動惜食文化同宣揚關愛訊息，惜食堂係非牟利機構，向本地飲食界回收仍然可以食用嘅剩餘食物，通過嚴格嘅食物安檢程序，再經過廚房烹煮成營養均衡嘅膳食，免費派發畀社會上有需要食物援助嘅人士。而每捐款120蚊，可以支持製作10個免費飯餐。
入App免費換走健康產品
