陳穎欣facebook專頁喺新一屆港姐誕生翌日，話有網民形容佢同倪樂琳似樣。(資料圖片／陳奕釗攝)
香港小姐新一屆佳麗已經誕生，冠軍係有「城大李嘉欣」美譽嘅倪樂琳。立法會議員陳穎欣嘅facebook專頁喺港姐決賽翌日出咗篇帖文，話倪樂琳同李嘉欣「撞樣」之餘，亦都好似陳穎欣。
「同港姐冠軍撞樣係榮幸嚟」
字裏行間所見，專頁嘅「小編」話美貌係各花入各眼，但做新時代女性就最緊要有自信，因為真正嘅美麗是由心而發，「內在美建基於自信與智慧！自信地做自己就係活出美！」帖文最後嘅hashtag更話同港姐冠軍撞樣係榮幸嚟，「估唔到懶化妝都撞樣。」
帖文最尾話就話對娛樂新聞一笑處之，但都吸引到黨友立法會議員陸頌雄留言，認為講法都係對陳穎欣嘅一種肯定，新民黨何敬康更加進一步叫陳穎欣係時候考慮參選。唔知大家又覺得似唔似呢？
立即更新/下載AM730手機APP 體驗升級功能
