Patrick噚日上咗深圳一日遊。(聶德權FB)
高鐵香港段噚日(1日)傍晚一度信號故障，北上列車受影響大約兩個鐘頭，不過公務員事務局前局長聶德權(Patrick)就好好彩喇，皆因佢噚日朝早已經喺高鐵西九龍站搭咗車離開香港，用咗18分鐘就去到深圳北站，然後轉搭深圳地鐵4號線開始佢嘅深圳一日遊。
慶幸避過高鐵突發延誤
Patrick喺深圳玩完之後，都有繼續搭4號線，不過就唔係去轉高鐵返香港，而係去福田口岸經落馬洲搭東鐵綫返屋企。佢形容無論用邊種過關方法都很方便，又慶幸回程時避過咗高鐵嘅突發延誤！
佢仲提到，地鐵4號線其實係由港鐵附屬公司營運，當聽到同香港地鐵同一款嘅廣播，即刻感到好親切。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
