新民黨主席葉劉淑儀要求縮減特區政府駐倫敦經貿辦開支。(資料圖片)
隨著香港經濟環境的變化和地緣政治的發展，政府近年積極開拓中東市場。今日(27日)立法會就開會討論建議加強培養外語人才。新民黨主席葉劉淑儀自爆大學時學過日文，但依家「菜單都唔識睇」。佢認為單靠大學課程肯定唔夠，建議政府提供獎學金，畀有志從事伊斯蘭金融嘅人士去中東學阿拉伯語。相信咁樣可以喺中東搵食啦！
政壇「英文搣時」指一併學中東文化
政壇「英文搣時」葉劉話，幾十年前參加過GCE O-level法文考試，但依家只識得睇菜單，大學時候仲修讀過3年日文，經過6周的「沉浸式學習」，但「依家菜單都唔識睇」。她認為，要真正學好外語，光靠大學課程真係唔夠，建議特區政府提供獎學金，畀有志從事伊斯蘭金融的人去中東學阿拉伯語，咁不單止學到語言，仲可以順便了解當地文化。
教育局：須考慮有冇學生選修
教育局副局長施俊輝回應話，相信修讀相關課程的大學生已經有唔少實習機會。本身係嶺大副校長的選委劉智鵬就表示，外語唔係「學就識得用」，建議局方為大學開設阿拉伯語嘅主修或選修課程提供誘因，「否則就只能從內地引入有實用性的人才」。施俊輝指，教資會能否提供額外資源會再研究，仲要考慮有冇足夠學生會選擇修讀喎！
amJetso請食南記堂食一人牛乳火鍋 立即按此參加👇
