Ray Online｜鄧炳強西安吃地道早餐 指「早起的團隊有糊辣湯吃」(鄧炳強Facebook圖片)
保安局局長鄧炳強帶領保安局青年團隊，繼續一連八日嘅「陝京行」，佢今朝就喺社交網站發布短片，話「早起嘅團隊有糊辣湯食」，同團隊一早起身去試當地人最鍾意嘅早餐「糊辣湯」，而去嗰間早餐店仲係糊辣湯界嘅「天花板」咁話喎。佢就話糊辣湯食落去好重胡椒味，但其實唔辣，連聲話味道唔錯，形容有啲似香港嘅碗仔翅，不過似狂落胡椒粉嗰隻呀！
鄧炳強對西安地道早餐讚不絕口
枱上唔只有糊辣湯，鄧炳強仿傚當地人，加埋肉夾饃。原來仲有個特別食法，因為就咁食肉夾饃會太乾，當地人鍾意撕成細粒加入湯，鄧炳強認證呢種食法好味好多！佢同團隊仲試食咗牛肉盒，話味道唔錯，形容外皮有啲似酥皮，好啱香港人食。仲有試咗油餅話好鬆脆，食落有啲似印度薄餅再加傳統蔥油餅，鄧炳強畀「好評」話非常鍾意呢啲地道早餐，話自己食咗好多，不過食完就要繼續開工啦！
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
