創科局局長孫東。(資料圖片)
2023年中學文憑試(DSE)今日(19日)放榜，創新科技及工業局局長孫東喺facebook發文話，同學們今日跨過DSE呢個關鍵里程碑，踏入人生新一個階段，祝願各位學生無論成績如何，都可以搵到適合嘅發展路徑，勇敢追夢。
不過講到升學，孫東局長一啲都唔客氣，馬上化身升學顧問，直指創新科技係驅動香港未來發展嘅重要方向，隨着香港創科生態圈日益蓬勃，呢方面需要大量人才，同學揀科可以考慮揀創科相關專業。佢又話，大專院校陸續開設混合創科元素嘅課程，畀非STEM相關學科嘅同學亦可以修讀，早日接觸創科。
創科技能各業通用
至於打算投身職場嘅同學，孫東局長亦照顧埋，建議佢哋亦可考慮嘗試從事創科相關嘅行業。佢話，創科遍布各行各業，好多行業都需要通過創科嘅應用提升工作效率同生產力。一言以蔽之，「進修創科相關課程，增值自己，提升競爭力」。
▼DSE放榜｜藝人分數逐個睇▼
amJetso送太興鮮臘腸 👇立即按此參加
