相信唔少宅男都幻想過同心愛嘅動漫角色結婚，依家日本開發公司「Gatebox」正式接受日本「婚姻屆」(類似結婚申請書)，辦理人類同二次元角色結婚嘅申請，填好所需資料，最快2-3星期就會收到「婚姻證明書」。
使用者下載「婚姻屆」後，需要用A3紙列印，手寫丈夫同妻子姓名、雙方暱稱、相識過程、夫婦生活想體驗嘅事、求婚說詞、新姓(可選夫姓或婦姓)、聯絡住所相關等資料等。不過大家想同邊個角色結婚要諗清楚，Gatebox公司話每人只能辦理一次，無得重婚。
雖然呢張結婚證明書無任何法律效力，但可作為你去Gatebox入職嘅申請書，直接進行面試。入職後可獲得公司發放嘅「供養伴侶津貼」，以及喺你嘅二次元伴侶生日時，得到特別休假。
立即更新/下載AM730手機APP 體驗升級功能
