化身迪士尼公主應該係唔少女生心願，如果係由男友幫手實現應該更Sweet！
美國一名男生親手做咗件《美女與野獸》中貝兒件經典黃色禮服俾女友，因為女友一直係迪士尼粉絲，最愛《美女與野獸》，所以佢決定幫女友變成貝兒嚟求婚。
「一個地下室、一台裁縫機、一個大夢想、以及咖啡、咖啡、咖啡...」男子訴說驚喜嘅開始。佢花咗整整一個月，直到要同女友求婚前30分鐘先完成呢件夢幻禮服。
最後喺美國愛荷華州圖書館，女友穿上夢寐以求禮服出現，而佢亦遞上戒指，下跪求婚，最後自然係一聲甜到漏嘅「Yes！」男生就笑言：「咁我就係野獸囉！」
立即更新/下載AM730手機APP 體驗升級功能
