人都可以孵蛋？
法國44歲藝術家Abraham Poincheval從3月29日開始，於法國巴黎美術館東京宮(Palais de Tokyo)，坐喺10隻雞蛋上整整23日，終於孵出9隻雞仔，結束呢次藝術表演。
佢坐喺一個玻璃罩中，每日只能休息半個鐘，基本無點瞓過覺。Poincheval每隔幾分鐘就會確認雞蛋情況，孵蛋過程還喺YouTube上直播。18日，第一隻小雞孵化成功，好消息接二連三傳出，最終成功孵出9隻小雞。
美術館負責人話小雞健康狀況良好，有8隻黃色、1隻茶色，Poincheval父母會養育阿仔孵嘅小雞，仲已喺自家小農場起好豪華雞舍。
Abraham Poincheval係著名行為藝術家，3月時曾喺岩石中度過一星期，之前仲試過喺灰熊屍體內生活近半月、喺電線杆頂部住一星期等，可以話係以折磨自己為樂。
立即更新/下載AM730手機APP 體驗升級功能
