日本推出一種名為「美男、美女洗澡水」嘅飲料，聽個名相當嚇人，而齋睇包裝就好重動漫味：美少男口味包裝上有戴眼鏡嘅動漫男，露出結實胸肌，配上霸氣文字：「喝洗澡水？你在說甚麼傻話啊！」美少女口味包裝上甜美大眼少女，配上撒嬌口吻嘅文字：「喝人家的洗澡水？你是笨蛋嗎！做這種事人家會跟你絕交喲。」
不過打開支水後，裡面嘅水都好清澈，無雜質唔混濁，一啲都唔似沖涼水──反轉背面就寫上「開玩笑飲料」！呢款由日本商店「ヴィレッジヴァンガード」販售嘅「美男、美女洗澡水」，其實只係普通礦泉水，一樽盛惠300日圓(約20港元)，絕對唔平，當係買心思同包裝啦！
立即更新/下載AM730手機APP 體驗升級功能
