爆料公社@FB
香港最近天氣麻麻，成日落雨，台灣呢排就更加係連日暴雨，所以好多開電單車人士都會將雨褸放喺車廂，以備不時之需，不過遇著大雨，得1套雨褸，要遮2個小朋友點算？
呢位台灣爸爸喺Facebook「爆料公社」分享咗1張照片，只見佢2個囡囡似乎都著咗雨褸，睇真啲先發現右邊大囡著左超大尺寸雨褸，左邊細囡其實係成個人套咗入雨褲中，褲頭帶變咗領口！
呢位爸爸興奮留言：「突然很慶幸自己穿兩件式雨衣，才沒讓小朋友們淋到雨。」呢個「1褸2著」受網友激讚：「真係太有才華」、「太喜感，好似卡通人物」
立即更新/下載AM730手機APP 體驗升級功能
