有冇諗過將譚仔嘅米線變成「米扇」？適逢一年一度愚人節，譚仔繼上年嘅「咪跣」拖鞋後又一力作，今年就將米線搖身一變，變成期間限定新品——「譚仔米．扇」，仲搵嚟譚仔姐姐幫呢把「米．扇」代言！
據譚仔介紹，呢把「米．扇」係以63萬條米線交織而成，並且經過譚仔姐姐長時間使用麻辣湯烹煮，所以除咗有陣陣譚仔獨有嘅麻辣香氣，微風仲可以通過呢把「米．扇」帶畀用家一股溫柔又舒暢嘅感覺。
呢把「米．扇」唔只散熱，仲可以解辣，去譚仔都用得著！而無論係生活上遇到嘅種種尷尬、悶氣抑或係緊張嘅感覺，用上呢把「米．扇」都可以一「撥」而空！
立即更新/下載AM730手機APP 體驗升級功能
