可愛的My Melody入侵中式點心界！包括巨型My Melody頭像紅豆包，結上白色蝴蝶結的她可愛到令人唔捨得食；另有My Melody烙印的菜肉包以及雙色餃點心盒，粉紅色格仔外賣紙盒也靚到爆燈，印上My Melody與好朋友小老鼠和松鼠的插畫，而包點均有印花牛油紙包裹，靚上加靚。My Melody點心系列由即日起於指定「唐記包點」、「唐包點」及「巧手製作」分店全日供應，而My Melody紅豆包每日限量發售，賣完即止呀！
My Melody紅豆包 $18/個 (每日限量發售)，以凍包形式發售，保持靚樣，買回家後可盡情打卡，然後水滾蒸8分鐘就食得！
My Melody 雙色餃點心盒 $25/盒 (1盒4件)，一盒4件的雙色餃點心盒，2件蝦餃(白色) + 2件菜肉餃(粉紅色)，白色煙韌餃皮包著優質海蝦肉，爽口彈牙，而粉紅色餃皮包著菜肉餡料。
My Melody 菜肉包 $8.5/個，My Melody初次烙印於包包上，令人心動！
立即更新/下載AM730手機APP 體驗升級功能
