![網上熱話|連登仔教揀好老婆 符合1條件代表無娶錯人 網民:俾幾千蚊就搵到](https://cdn.am730.com.hk/s3fs-public/styles/article_image/public/2024-05/ZZC_5.jpg?itok=TMIZ999t)
網上熱話|連登仔教揀好老婆 符合1條件代表無娶錯人 網民:俾幾千蚊就搵到
拉埋天窗前要諗清諗楚,只因婚後需要肩負眾多責任,亦不應輕易放棄得來不易的婚姻,因此不少人都建議情侶婚前先同居,觀察二人的生活習慣能否磨合。早前一位連登仔在討論區上分享自己的「御妻術」,自言自從升職後就要求老婆放棄工作,留在家中做全職主婦,而他亦以自身經歷作例子,揚言男士要證明自己無娶錯人的話,只要另一半符合1條件即可,旋即引來大批網民熱烈討論。
![圖片來源:TVB《寶寶大過天》劇照](https://cdn.am730.com.hk/s3fs-public/styles/article_image/public/2024-05/WhatsApp%20Image%202024-05-09%20at%2010.57.41%20%285%29.jpeg?itok=1XpVnUeG)
圖片來源:TVB《寶寶大過天》劇照
連登仔教揀好老婆 大方分享夫妻生活
不時都會看到有人分享婚後生活,正所謂家家有本難念的經,每對夫婦所遇到的問題和困難多不勝數,因而能夠成功維繫一段婚姻,攜手走過無數個年頭的話,確實是一件珍貴又難得的事。一位連登仔在討論區上發文,大方分享自己娶著個好老婆的感受。發文者坦言自己自從升職後,早已主動向老婆提出「唔好返工」,希望老婆能做全職主婦,發文者則負責賺錢養家,典型的男主外女主內家庭。幸得老婆支持,並因為生活中發生了1件事,令發文者至今「諗返都覺得呢個決定係明智的」。
![Ad Block](/assets/v2/img/ui/代替網上廣告_300_250px.jpg)
![圖片來源:LIHKG討論區](https://cdn.am730.com.hk/s3fs-public/styles/article_image/public/2024-05/WhatsApp%20Image%202024-05-09%20at%2010.57.40.jpeg?itok=jL9naRL_)
圖片來源:LIHKG討論區
符合1條件代表無娶錯人?
發文者在文中寫道自己返工途中,老婆對他表示「岩岩吸好塵摺好衫,依加Hea陣轉頭落樓買餸」,令他感動直言「唔知香港女人做老婆會唔會咁呢?」、「我好確定自己無娶錯人」,更高調宣稱「娶到個鐘意做家務嘅老婆真係三生有幸」,引來大批網民熱烈討論。
![圖片來源:TVB《C9特工》劇照](https://cdn.am730.com.hk/s3fs-public/styles/article_image/public/2024-05/WhatsApp%20Image%202024-05-09%20at%2010.57.41%20%284%29.jpeg?itok=FkQjmKIN)
圖片來源:TVB《C9特工》劇照
![圖片來源:電影《82年生的金智英》劇照](https://cdn.am730.com.hk/s3fs-public/styles/article_image/public/2024-05/WhatsApp%20Image%202024-05-09%20at%2010.57.41%20%288%29.jpeg?itok=cwCrlbGG)
圖片來源:電影《82年生的金智英》劇照
網民反應不一 「請工人都做到」
發文者就認為自己娶著個好老婆,但網民的反應就不太一致。有網民認同發文者的看法,留言直稱「恭喜啦」、「養得起一個女人全職做主婦都唔易」、「有為呢個家付出嘅心先重要」,惟大部分網民則持相反看法。有網民指大部分香港有能力的家庭都是「老婆返工,家務工人做」,更有網民質疑發文者大男人主義,「娶個人返嚟做工人」、「3-4千蚊就搵到」、「請工人就當人係老婆」、「4千7就搞得掂嘅嘢,折墮到要差遣老婆做,仲要打鑼打鼓咁講出嚟」。
![Ad Block](/assets/v2/img/ui/代替網上廣告_300_250px.jpg)
![圖片來源:TVB《婚後事》劇照](https://cdn.am730.com.hk/s3fs-public/styles/article_image/public/2024-05/WhatsApp%20Image%202024-05-09%20at%2010.57.41%20%289%29.jpeg?itok=3Ltil5El)
圖片來源:TVB《婚後事》劇照