所謂「盡人事，聽天命。」努力做好本分是職場王道。不過，世間總有人希望不勞而獲「走捷徑」，甚或憑藉星座、命理和風水，尋找超自然力量。倘若在辦公室遇上狂熱同事，一邊用星座運程預測工作發展；另一邊同事在辦公桌上布下風水陣趨吉避凶，夾在中間又如何拆解？
辦公室易生矛盾，兩把鉸剪的擺位都可以引起爭拗，有網民在論壇分享，指毗鄰新入職同事，「長期放兩把打開嘅鉸剪喺電腦屏幕底對住我，仲有個八卦圖案喺我對面，問佢係咪風水嘢，佢又話唔係，有同事郁到把鉸剪，佢就好惡咁鬧人。」於是詢問網民「化解方法」。網民意見紛紜，有人提供化煞偏方；亦有人勸道「唔好理，做好自己心安理得，我隔籬位放棺材我都未驚。」另有網民分享，「我老細信星座，升職都要睇同佢星座夾唔夾，搞到同事好無癮。」
合眾人事顧問公司總經理蘇偉忠表示，的確遇過有老闆招聘時，指明應徵者的生肖或星座，「有少數老闆真係會私下提出，指明請或者唔請部分生肖、星座嘅人，若對方確信幫助到佢公司、令佢工作順利嘅，都會配合對方。」他強調這是個別情況，「一般公司可能只係習慣用咩顏色，或者種啲植物，通常唔會影響到員工。」作為員工，若遇上迷信同事，他建議「如果覺得唔舒服，最好都係同個同事溝通，直接講出睇法，通常都解決得到。」
麥玲玲：勿因擺設失人緣
玄學家又如何看待這個問題？堪輿學家麥玲玲指，「從玄學角度，在辦公桌放置某些物品，的確可助旺人緣。不過，最緊要係睇客觀環境同方法，如果想助人緣而放某啲物品，但結果喺公司人緣仲差咗嘅，咁就背道而馳啦。」她建議辦公室擺設應避免部分較敏感物件，「鉸剪、尖刀就唔好啦。」同事間亦應多交流，「唔好鬥風水擺設，如果俾同事擺設影響到，溝通最緊要。」
網民分享
職場迷信事件
「老細成日搵師傅上公司睇風水，喺公司安放神像。」
「入到公司先知，老闆只請某幾個生肖嘅人。」
「同事枱面放一堆石頭，而且唔准人掂。」
「公司每年睇流年運勢大執位。」
amJetso送 Bodysonic先力牌窗口式冷氣機X靜音循環風扇X電動冷凍小風扇
