鄭志剛(Adrian）9月底辭任集團CEO後一度神隱個幾月，而謝玲玲po出嘅合照中，見到剃咗鬚嘅Adrian相當醒神。
新世界主席鄭家純（純官）細仔鄭志亮（Christopher）星期二迎娶女友Tina Huang，一對新人於鄭氏家族經營嘅Rosewood瑰麗酒店舉行婚禮，全場衣香鬢影，特首李家超都有到賀。
城中名媛謝玲玲都有出席鄭志亮嘅婚禮，而且將照片放上社交平台分享，見到會場內有一大棵滿佈紅葉的仿真樹，加上唔少鮮花佈置，相當得體宜人。
鄭氏家族的新世界集團今年出現唔少人事變動，近年漸受注目嘅鄭志剛(Adrian）9月底辭任集團CEO後，一度神隱個幾月，到11月上旬先出席音樂節。而謝玲玲po出嘅合照中都見到與鄭志亮哥哥鄭志剛「集郵」，剃了鬚的Adrian睇落相當醒神。
鄭志亮哈佛大學畢業
35歲的鄭志亮過去較為低調，畢業於哈佛大學後曾於多家金融機構工作，對投資有一定經驗。而新娘Tina同樣大有來頭，據知來自內地嘅Tina家境不俗，而且Tina同Christopher一樣於美國名校畢業，後來到香港從事金融業，曾於投行高盛工作。
原文刊登於 Yahoo 娛樂圈
立即更新/下載AM730手機APP 體驗升級功能
