被視為法國未來球王的基利安麥巴比，原來都幾貪靚。
法國在周日的歐國聯賽事，主場與葡萄牙踢成0比0，賽後麥巴比在更衣室內坐低休息，「銀河唯一」基奧特則逐一與隊友握手，但他與麥巴比握手時加多兩錢肉緊——捽埋佢個頭，麥巴比隨即面露不悅，事發更被拍到他拿出梳子梳番靚個頭。
個頭亂咗唔緊要啦，最緊要場上有表現。周三晚舉行的歐洲國家聯賽A3組賽事，麥巴比有士哥，加上其老友基沙文先開紀錄，協助法國作客以2比1挫克羅地亞。
麥巴比對克羅地亞攻入致勝球。
立即更新/下載AM730手機APP 體驗升級功能
