2024-11-04 14:32:34

中年好聲音3︱趙浚承聲色藝俱備發燒碟歌手侯靜伊有進步

曾以男子組合Square出道的38歲趙浚承，現為商人、於內地從事球場經營，2015年參加內地歌唱比賽《星光大道》奪得季軍；相隔9年重踏舞台參加《中年好聲音3》，他獻唱《唯一》獲周國豐大讚台型十足，更笑言：「你唔係淨靠美色，你係好少數地有美色之餘，唱功係完全合格。」

肥媽則指他選歌難度高，一度替他擔心：「你知唔知你令我哋啲女士好擔心，死啦走唔走音，唔好揀啲咁難嘅歌喇！」對於僅欠張佳添一盞燈，張佳添狠批趙浚承大部分假音「唱得唔好」：「學佢哋講下次揀番難度低啲，你咁嘅台型，你可以係一個巨星嚟。」

唱《執迷不悔》凶多吉少

至於36歲發燒碟歌手侯靜伊，自2019年開始自資推出首隻黑膠碟後，笑言踏上一條不歸路；伍仲衡指賽前與對方聊過一輪，才得知她曾與海俊傑為其網上live show擔任嘉賓：「你進步咗好多，呢盞燈係俾你嘅進步分。」海兒則指歌曲難度極高，能夠唱出水準表現不錯；周國豐笑言曾為《執迷不悔》命名做「凶多吉少」，但侯靜伊版本讓他喜出望外，大讚音樂感強。