2024-07-29 21:00:34

叮囑神徒不要著涼 Anson Lo受訪自爆：花灑沖涼乾淨啲

教主盧瀚霆(Anson Lo)今日到商台訪問，過百神徒一早到商台等候。Anson Lo亦在IG限時動態叮囑粉絲「下雨了，大家真的要避雨。有雨傘的就要互相照顧，不要讓我擔心。」教主超有心。中午約12點30分，Anson Lo的七人車抵達商台，他落車準備向粉絲揮手say hi，突然落大雨，他仍繼續與粉絲互動，直至花姐叫他入台準備直播。

愛浸浴但花灑乾淨啲

Anson Lo受訪時先回答主持提出的10條問題，先問他會否接受在家不穿拖鞋。教主表示：「ok嘅。我喺屋企都唔穿拖鞋，鍾意赤腳掂地感覺。」再問他接受屋企只有浴缸沒有花灑？他說：「咁又唔ok，雖然鍾意浸浴缸，但花灑沖涼會乾淨啲。」又問到親吻生日的花姐是否ok？「錫面定嘴先？錫面ok，錫嘴就唔係太ok。一係個個都錫，就當媽咪咁錫。」最後問他是否接受全裸拍戲。教主說：「ok。劇情需要，帶動到劇情就得。全裸拍ok，但唔代表全裸播出。」