黎彼得大爆發哥早年已開始食得清淡 。
周潤發（發哥）早前跑步時被發現手臂大腿兩處凸起如乒乓球大的物體，疑健康有問題，發哥日前出席活動時就輕鬆回應：「𠵱家仲未夠大，如果跑得多就細番，唔跑就變大。」而與發哥在1978年在TVB認識的黎彼得，近日進軍YouTube主持節目《玖噏秘笈》，在最新一集中他亦提到有關心過發哥，並想提供幫助方法。
黎彼得在節目中說：「發哥呢排隻手有類似腫瘤嘅物體，但應該唔係嘅，因為發哥嘅人生活好正常。」他續指早年與發哥在澳門拍攝《我不是賭神》時，對方的飲食習慣已經十分健康：「我見到發嫂，佢留我喺度食飯，好似湖北嘅人負責煮佢哋兩個食，我就見到粉絲蝦米，節瓜嗰啲好清淡。我真係見到都唔想食。太健康嗰啲嘢。」
黎彼得又分享近日在一個飯局與馬海倫傾計，馬海倫透露：「你老表（周潤發），我嗰次同佢行山發現佢隻手有一嚿嚿嘢，不過唔知係咩，我知道發哥呢一件事應該有得處理，不過你知道佢老人家好少出現同我哋傾偈，佢淨係畀一兩個短訊我，都冇乜點講嘢，感覺好多人都關心佢，因為佢係大家嘅偶像。」而黎彼得亦提議有關治療方法，並指梁小龍在深圳有開設健康中心：「應該會幫到佢（發哥），嗰度有一嚿類似磁力共振嘅嘢，45分鐘就已經醫得返好隻手一嚿嚿嘅嘢。」
黎彼得又分享近日在一個飯局與馬海倫傾計，對方亦有提起發哥。
