![](https://cdn.am730.com.hk/s3fs-public/styles/article_image/public/2024-08/ssssss.webp?itok=SDe4SgXU)
TVB宣布《當四葉草碰上劍尖時》8.17重播
2024年巴黎奧運如火如荼進行中,香港劍擊運動員「劍神」張家朗(Edgar)及「微笑劍后」江旻憓(Vivian)雙雙勇奪金牌令香港再次掀起劍擊熱!TVB隨即食住熱潮宣布將於8月17日喺周六及周日深夜12:15分重播《當四葉草碰上劍尖時》。
四葉草系列由首部曲《當四葉草碰上劍尖時》、二部曲《赤沙印記@四葉草2》及三部曲《盛裝舞步愛作戰》都十分受歡迎,係無綫嘅經典嘅校園青春劇之一。
勾起唔少觀眾嘅甜蜜回憶
《當四葉草碰上劍尖時》由黎諾懿、黃婉佩、李日朗、唐詩詠、姚子羚、李雨陽及高皓正等人主演,除咗以運動為題材之外,劇集仲有校園趣事及年輕愛情橋段,令到唔少年青人有共鳴,真係勾起唔少觀眾嘅甜蜜回憶。
另外,由馮曦妤所唱嘅劇集主題曲《Shining Friends》當時播到街知巷聞,就算而家只要播起歌曲前奏,相信大家都會認得。
原文刊登於 Yahoo 娛樂圈