方力申訪問簡綽桐、譚凱琳、何詩蓓、歐鎧淳，大晒功架，獲網民大讚。
方力申為無綫巴黎奧運擔任巴黎特派專員，在奧運期間主力負責採訪港隊、國家隊及不同國家的游水運動員。本身亦是游水運動員的小方，憑藉自身的運動員經驗，及謙厚有禮又體貼的採訪態度，成功俘虜無限網民歡心，連日來不斷在小方主理的獨家訪問片段下留言讚好，盛讚小方是「採訪界世一」。
方力申訪問鄭莉梅時，特別用了英語問對方，非常細心。
問題永遠多過兩手準備
昨日，無綫官方社交媒體越洋訪問了小方，小方亦應要求分享了採訪心得及事前準備功夫：「好多問題要假設定，因為每次佢哋（運動員）過嚟都係得兩、三分鐘，已經會有人撩我要我畀運動員走；同埋大會會先做運動員訪問，所以過到嚟時運動員可能已經需要休息/放鬆。正因為一嚟到得兩分鐘左右時間，我又唔係記者出身，所以一定要假設定唔同類型嘅問題。」
他表示最難忘訪問何詩蓓，小方說︰「因為咁多人關注，我會假設定佢攞金牌問咩、攞銀牌問咩、攞銅牌問咩，冇獎牌會問咩，有意外會問咩；喺佢游嘅過程又要觀察有冇嘢可以講番，例如佢200自頭三個50都係第一名嘅，我就話佢勇者無懼。因為肯衝就係佢嘅策略同膽色。我依家講番起都覺得大壓力。」
小方之前訪問何詩蓓及國家隊游泳選手潘展樂均贏盡好評。
小方又指由於很多時要針對運動員臨場發揮問問題，變相事前做的功課或準備都有可能白費：「做極功課都好啦，臨場最緊要係睇運動員發揮成點，得到咩成績，好多都係即時反應，有可能之前準備好嘅嘢，到頭來要用另一套。」
談到是次好評如潮、有否獲親友越洋支持，小方笑言：「係收到好多好多Message呀，有修哥胡楓、安安姐（余安安），獎門人（曾志偉）有鼓勵我；但都係嗰句，我唔係好叻，我都好緊張，但我覺得最重要係將運動員/被訪者嘅信息畀到觀眾知道，我只不過係要諗一啲問題等佢答嘅時候發揮到，同埋盡量問一啲有特色啲嘅問題。」並感嘆謂：「做記者最難嘅係，依家太多人關注我哋嘅言行，對前線嚟講都係好大嘅壓力。」
小方每日都好勤力喺社交網Update工作日誌。
全線一腳踢
繼2004雅典奧運、2008北京奧運、上屆東京奧運及今屆巴黎奧運，小方共參與了四屆奧運主持/採訪工作，最難忘是在北京奧運見證「男飛魚」菲比斯奪得八面金牌創造歷史。而談到上屆東京奧運，小方透露因為疫情一腳踢，除了要兼任採訪游泳以外的運動項目外，更連幕後工作也幾乎包攬：「要自己寫稿、錄VO ，成個故仔都係自己做晒，人哋可能用一個鐘，我就可能要用個半到兩個鐘時間去做。」
amJetso送 Bodysonic先力牌窗口式冷氣機X靜音循環風扇X電動冷凍小風扇
