張敬軒澳門演唱會宣布加開三場。
張敬軒10月將於澳門倫敦人舉行《Dahlia Blossom HINS CHEUNG PRIME CLASSICS LIVE 2024 張敬軒澳門演唱會》，早前優先訂購及正式開賣時，門票瞬間被秒殺，優先訂購當日更因眾多歌迷湧入賣票網站而導致網絡大塞車，亦有不少炒家利用「搶飛程式」攻擊網站，令網站幾近癱瘓，十分誇張。
由於反應熱烈，主辦方宣布加開三場，破了去年十四場的紀錄，即今年共十五場演出，而去年加上今年，軒仔已於澳門舉行了二十九場的演唱會。當一宣佈加場消息後，門票再次秒速售罄，軒仔表示十分感恩，「真係好多謝大家嘅支持，加場係為咗買唔到飛嘅朋友仔，希望佢哋今次可以買到。今次演唱會主題係第三章，倫敦係第一章、舊年係第二章，今年係第三章嘅「THE PRIME CLASSICS」除咗集合咗過往幾站嘅特色，演繹自己嘅作品，亦會演繹其他歌手嘅作品，加入一啲新嘅元素喺入面，希望每一次嘅演出，都令觀眾有新嘅體驗。」
張敬軒表示加場是為了照顧買不到飛的觀眾。
張敬軒已於澳門舉行了二十九場的演唱會。
amJetso送 Bodysonic先力牌窗口式冷氣機X靜音循環風扇X電動冷凍小風扇
