Steven 一家六口長期經濟受困。
張致恒（Steven）與太太區燕雯（雯雯）四年抱四，一家六口長期經濟困難，經常要向網民借錢解決，早前Steven 在地盤工作，還以為財政得以改善，豈料雯雯近日再度於社交網連環放負 ，日前， 她更揚言「唔會再求人，唔會再問人借」，更表示：「要死一齊死」，並承認自己生四個又無錢養是不負責任。
Steven 近來不時在社交網發文求即pay 工，今日(14）就有網民在「香港突發事故報料區」爆Steven 搵散工，更借他的名字多找兩名幫工，該帖文寫道：「24號星期日要2個散工，葵芳搬健身器材，$1000 即日出糧，做5小時，無樓梯，前英皇藝人Steven張致恒，都會一齊嚟開工。想做可以PM我」有網民即轉發笑嘲：「有得睇明星….點人做嘢」 。不少人亦留言笑指：「佢都一齊開工，咁咪即係做埋佢嗰份」、「又有＄收又有得見Artist OMG」、但亦有人支持Steven 表示:「如果佢真係做野，請問有乜好笑？」
而Steven 本人亦有留意到帖文，並在其IG限時動態貼出與僱主的對話，承認真有其事，但對於網民的嘲諷及被利用，他就嬲爆表示：「其實我都係想搵多少少奶粉錢啫，咁樣好玩咩，你叫埋東張西望嚟吖嘛」。
Steven 對於網民的嘲諷，嬲爆發文。
另一邊廂，雯雯就在社交網表示：「有冇屋介紹？」
立即更新/下載AM730手機APP 體驗升級功能
