![盧瀚霆Anson Lo推出夏日曲風新歌《Hey Hey OK!》。](https://cdn.am730.com.hk/s3fs-public/styles/article_image/public/2024-07/Ansonlo1.jpeg?itok=CUfFKwp_)
盧瀚霆Anson Lo推出夏日曲風新歌《Hey Hey OK!》。
盧瀚霆(Anson Lo)近年多推出型格跳唱作品,暑假推出的新歌《Hey Hey OK!》,首次挑戰夏日曲風,為了帶來歡樂氣氛與繽紛感覺,他特地前往沖繩拍MV,趁機來一趟夏日快閃旅行,實行寓工作於娛樂,重拾兒時在沙灘玩的樂趣,曾時中學泳隊的Anson Lo更首次試撐水上滑板,他笑言,「MV shot睇落好似撐得好有型、好開心,但其實off camera或者剪走咗嘅都係我蝦碌,爭啲反艇嘅畫面,呢個拍攝過程都幾搞笑。」
重拾兒時樂趣
這次Anson Lo直言《Hey Hey OK!》是為暑假推出的歌曲,「一直好想推出一首summer vibe(夏天氛圍)嘅歌,因為一來未試過做夏日風格,二來對上幾首歌都係比較暗黑,或者關於自己內心世界,或者遇上悲慘遭遇嘅情歌,所以好想出一首好開心嘅歌,為大家帶來唔同感覺。
夏天當然有陽光與海灘, Anson Lo特地往旅遊勝地沖繩拍攝MV,他說:「一直都好想嚟沖繩度假,不嬲知道沖繩係一個陽光與海灘、景色好靚好悠閒好舒服嘅地方,所以一有呢首歌喺手,腦海中就覺得如果可以去沖繩拍到陽光與海灘就好喇!」難得來到沖繩Anson Lo,也趁機重拾兒時樂趣,他笑言:「今次嚟到沖繩真係好開心,因為可以當度假,同埋自己好耐未試過喺沙灘、海邊玩,所以都諗返起自己以前細路仔嘅時候。」
狂補妝最沒趣
《Hey Hey OK!》MV少不了落水大玩特玩的環節,Anson Lo興奮自爆:「以前自己中學時候係校內泳隊,所以以前係好鍾意游水,但慢慢愈嚟愈大個之後就好少游水,所以今次喺MV裡面撐水上滑板係自己嘅初體驗,而夏天令我聯想起食雪糕、陽光與海灘、游水,今次MV裡面亦滿足晒所有我自己對夏天嘅expectation(期望)同埋願望。」談到最辛苦之處,莫過於補妝,「第一次拍MV咁多戶外場景,而流汗係我自己一個最大嘅挑戰,好多fans都幫我起咗個花名叫『流汗霆』,因為我真係好大汗,所以補妝補咗好多次,補妝嘅過程好沒趣。另外塊面寫住Hey Hey OK OK,係花咗個幾鐘雕啲字出嚟,真係好考耐性,要多謝化妝師嘅神來之筆。」